Gure altxorra
Inork ez daki zein den bere jatorria,
baina egun oraindik bizirik jarraitzen du. Beharbada jatorria
idatzita dago eta ezin izan dugu aurkitu. Argi dago jakin nahi nukeela nondik atera zen, nork sortu zuen edo non hitz egiten zen,
baina oraingoz ez da gauza erraza zeren duela urte askotik
ikertzaile asko saiatzen ari dira teoria bat egiten eta ezin izan
dute frogatu. Hala ere, itxaroten jarraituko dugu.
Baina badago gauza bat arreta erakarri didana: Zergatik kostatzen zaigu hainbesteko ahalegina euskara bizirik
mantentzea? Zer egiten ari gara gaizki? Euskararekin, kulturaz gain
Europako hizkuntzarik zaharrena daukagu eta ez dakigu baloratzen.
Edozein herrialdetan, are gehiago, edozein probintziatan non bi
hizkuntza ofizial existitzen diren haien presidenteek bi hizkuntzetan hitz egin dezakete edo txikitatik dakitelako, edo ikasi nahi izan
dutelako. Baina harrigarria bada ere, eta bestalde zoritxarrez, euskara mantentzen
eta hitz egiten den lekuan, alegia, Euskal Herrian, presidente
batzuei bost axola euskarari zer gertatzen zaion. Gero eta murrizketa handiagoak jartzen dizkiote eta bestalde, kulturarekin harro daude.
Penagarria!
Lehen esan dudan bezala, hizkuntza
kulturaren sinonimoa da eta hari esker herriek pentsatzen ikasten
dute, eta, azken finean, pentsatzen dakiten herriek etorkizuna eraiki
dezakete. Kultura eta indarkeria inoiz ez dira bide berean elkarrekin
ibiliko, zeren gudako lehenengo biktimak beti bereak dira:
liburuak, hitzak, iritziak, liburutegiak, pentsamenduak. Horrekin ez
dut esan nahi egungo egoeran euskara hiltzear dagoenik, baina 40ko
eta 50eko hamarkadei begiratzen badiegu jarri dudan adibidea garbi ikus dezakegu. Egoera horretan Franco diktadorea gaztelania
izan ezik gainerako hizkuntzak debekatzen saiatu zen eta kasu
batzuetan lortu zuen.
Diktadura bukatu ondoren hizkuntza
horiek eta euskara ere bai, noski, pixkanaka-pixkanaka kendu zieten
lekua berreskuratzen hasi ziren. Nahiz eta jende askok joan behar izan zuen,
bizi ziren herrialdeetan beren sustraiak utzi egin zituzten, eta
handik datozen belaunaldiak ikertzen ari dira haien aitona-amoneen
bizitzak.
Espero dut guk euskara inoiz ez galtzea
baina hori egiteko mamia, lurra eta historia maite behar dugu.
Aurrerabidea gure iparrorratza baldin bada, era horretan eta gure
erruagatik, nortasuna galduko dugu.
Aupa Txus....ados nago zurekin. Asko gustatu zait zure idazlana. Arrazoia duzu, kasu batzuetan gehien maite ditugun gauzak ez ditugu zaintzen. Hori gertatzen da euskararekin. Zoritxarrez, txikitan ez nuen ikasi euskaraz, nire gurasoak kanpotarrak direlako. Badakit hori ez dela aitzakia, nire bizitzaren une batzuetan, ikas nezakeelako; baina inoiz ez nuen egin. Duela urtebete, ordea, patuak euskaltegi batean jarri ninduen eta oso pozik eta harro nago. Euskara maite dut eta gustatuko litzaidake nire harremana euskararekin mantentzea. Eutsi goiari!
ResponderEliminarHistoria inportantea bada ere memento honetan ez dut uste garrantsitzua denik euskara bultzatzeko. Argi dago gure iragana jakin behar dugula, baina han ez dugu geratu behar. Gure hurbileko historia ez da izan mesedegarria (diktadura, errepresioa...) baina gazteenek ez dute bizi egoera hori eta aurrera begiratu behar dugu. Euskara bultzatzea ez da zerbaiten kontra borrokatzea baizik eta gure esku dago. Guk, geuk nahi badugu aurrera egingo du edo galduko dugu baina orain ez da beste pertsona batzuen kontua.
ResponderEliminarEboluzionatzea ez da txarra, baldin eta guk erabakitzen badugu helbidea. Etorkizuna egiteke dago.
KoLdO